Хәбәр иткәннәречә, Самараның Камышлы районында, Похвистнево районы Мәчәләй авылында, Самараның “Яктылык” мәктәбендә татарча диктант яздылар. Милләттәшләребездән килеп ирешкән фотолардан күренгәнчә, төрле яшьтәгеләр диктант язган.

10-12 октябрь көннәрендә бер төркем татар дин әһелләре, эшкуарлары, язучылары Туймазы һәм Уфа шәһәрләренә сәяхәт кылды. Сәфәр Башкорстанның 100 еллыгы һәм тарихыбызда тирән эз калдырган күренекле шәхесләребезнең юбилейлары уңаеннан, Бөтендөнья татар конгрессы һәм Татарстан мөселманнары Диния нәзарәте тарафыннан, мөфти Камил хәзрәт Сәмигуллин җитәкчелегендә оештырылды. Очрашулар һәм шәһәрнең мөселман тормышына бәйле тарихи урыннарны әлеге фотолардан күрергә мөмкин.