Милли үзаңны саклау – заманның иң актуаль һәм четрекле мәсьәләләренең берсе. 2012 елның декабрендә Бөтендөнья татар конгрессының V съездында татар халкының милли үзаңын саклау концепциясе расланды. Татарстан хөкүмәте шул концепция нигезендә милләттәшләребезнең үзаңын саклау буенча республиканың Дәүләт программасын гамәлгә кертте. 2013-2016 елларда шул программаның үтәлеше турында“Дөнья” студиясе аналитик сөйләшү алып бара. Татарстан Фәннәр академиясенең Тарих институты директоры Рафаиль Хәкимов милли үзаңны саклау, ныгытуда тарихның әһәмияте турында журналист Римзил Вәли сорауларына җавап бирә.