Кичә Арча районында өч көнлек күчмә утырышка җыелган “Ак калфак” Бөтендөнья  татар хатын-кызлар оешмасы вәкилләре күптөрле чараларда катнашты. Шуларның берсе – Арча үзәк стадионында оештырылган “Арча кичләре” иде. Араларында Австралия, Болгария, Швеция, Белоруссия, Казакстан, Кыргызстан кебек чит илләрдән дә җыелган гүзәл затлар милли уеннар уйнады, рәхәтләнеп күңел ачты. Алар капчык киеп тә йөгерделәр, көянтә-чиләк белән су да ташыдылар, “Наза” уеннында да катнаштылар, түгәрәккә җыелып биеделәр дә.