2 нче март көнне Төмән шәһәренең “Нефтяник” мәдәният сараенда “Таң йолдызы” балалар һәм “Халык сәнгате” өлкә бәйгеләренең гала-концерты булып узды. Җыелган халыкны милләтләр эшләре буенча өлкә комитеты рәисе Евгений Воробьев, өлкә татар милли-мәдәни автономиясе рәисе Ришат Җиһаншин һәм Татарстан кунагы, Россия Дәүләт Думасы федераль татар милли-мәдәни автономиясе рәисе Илдар Гыйльметдинов котладылар. Аннары тамашачылар Төмән өлкәсенең һәр районыннан килгән сәнгать осталары катнашында оешырылган концертны карап ял иттеләр, дип хәбәр итә Төмәннән Алсу Сәгыйтова.