Иске Кулаткы район үзәгенең данлыклы меценат Эдуард хаҗи Әнвәр улы Ганеев бүләк итеп калдырган мәдрәсә бинасында район ифтары узды.
Районның төрле авылларыннан җыелган мөселман кардәшләребезне район башлыгы Лилия Богданова һәм район хакимияте башлыгының беренче урынбасары Илдус Хасәнов сәламләделәр. Ә Төркиядән килгән Коръән-хафиз Юсыф Коркмаз, Ульяновскиның Ак мәчете имам-хатыйбы Юнес хәзрәт Сәйфуллин һәм Иске Кулаткы районы имам-мөхтәсибе Рәхимҗан хәзрәт Фәйзуллин халыкка гыйбрәтле вәгазьләрен җиткерделәр.
