Казахстанда мөселман гыйбадәтханәләрен проектлау һәм төзүнең яңа стандартларын расладылар.
Республика Диния нәзарәте сайтында хәбәр ителгәнчә, хәзер бинаның зурлыгы аны төзергә планлаштырылган торак пунктына бәйле булачак.
Бистәдә төзелгән мәчет — 50-500, районныкы – 500-1500, шәһәр һәм өлкә мәчетләре 1-5 мең кешегә исәпләнгән булырга тиеш. Моннан тыш, мәчетләр төзүнең мәҗбүри шарты: мәхәллә кешеләренә машина кую өчен парковка җиһазландырылырга тиеш.
Бүген Казахстанда 2626 мәчет исәпләнә.
