16 ноябрь көнне 64нче яшендә Ростов өлкәсе мөселманнары Диния нәзарәте рәисе, мөфти Җәгьфәр хәзрәт Бикмаев вафат булды.

Бөтендөнья татар конгрессы Җәгъфәр Зөфәр улы Бикмаев вафат булу сәбәпле, мәрхүмнең гаиләсе, туганнары һәм якыннарының тирән кайгысын уртаклаша һәм сабырлык тели. Бу илебез мөселманнары өчен зур югалту. Урыны җәннәттә, авыр туфрагы җиңел булсын. Иннәлилләһи вә иннә иләйһи раҗигун!