Удмуртиядә балалар һәм яшүсмерләр арасында Коръән укучылар бәйгесе узды.
Ижау шәһәренең Җәмигъ мәчетендә Коръәнне өйрәтүчеләр һәм өйрәнүчеләр җыелды. Удмуртия мөфтияте Коръән укучылар бәйгесен 12 ел рәттән уздыра. Шартлар шул кала – тәҗвид хөкемнәрен куллана белү, сүрәләрне яттан белү һәм мәкам белән уку.

Номинацияләр буенча катнашучылар Коръәнне ярты һәм бер җүз белүчеләргә бүленә. Катнашучылар өч яшьтән уналты яшькәчә – Ижау, Сарапул, Можга, Әгерҗе мәчетләре каршында эшләп килүче мәдәрәсәләрдә белем алучы малайлар һәм кызлар иде.

“Башланган елларында бәйгене шулкадәр көтеп ала, хәтта матур-матур күлмәкләр тектертә идек,”- диюче әниләр бар. Бәйгеме, бәйрәмме, гаилә белән килү хуплана, катнашучылар арасында бертуганнар да шактый. Мөфтият елның елында һәр катнашучыга бүләкләр тапшыра.

Әлбәттә, барысы да Коръән-хафиз булып китмәс – ул бик зур сабырлык һәм тырышлык сорый торган эш. Оештыручылар киләсе елда бәйгенең форматын үзгәртү турында уйлана, чөнки быел катнашучылар узган елларадагыга караганда азрак иде.

Фәнзилә Салихова

Удмуртия