Татарстан китап нәшрияты Казан үзәгендә тагын бер сәүдә ноктасы ачкан. Яңа кибет башкала ГУМының өченче катында урнашкан.
Татарстан китап нәшрияты җитәкчесе Илдар Сәгъдәтшин белдергәнчә, яңа сату ноктасы янәшәсендә генә кафе да бар. Биредә төрле чаралар, әйтик, яңа китап тәкъдим итү, автограф-сессияләр оештырырга була. Җитәкче белдергәнчә, кибет аренда хакын капларга гына түгел, бәлки керем китерергә дә тиеш.
