Бүген Татарстан Язучылар берлегенең Тукай клубында татар әдәбияты классигы Мирсәй Әмирнең тууына 110 ел тулуга багышланган “Саф күңелләр җырчысы” дип исемләнгән әдәби-музыкаль кичә үтте.

Кичәдә Г.Камал театры артистлары Равил Шәрәфи, Хәлим Җәләй, Кәрим Тинчурин театры артистлары Зөфәр Харисов, Сәлим Мифтахов, Ринат Шәмсетдинов, Лилия Мәхмүтова, Илгизәр Хәсәнов,  җырчылар   Айдар Габдинов, Резида Галимова, танылган язучылар Фоат Галимуллин, Лирон Хәмидуллин, Гәрәй Рәхим катнашты.

Әдәби-музыкаль кичәне Г.Камал театры артистлары Эмиль Талипов һәм Илнур Закиров алып бардылар.