Бүген Казанның Г.Тукай исемендәге филармония бинасында II нче Бөтендөнья татар хатын- кызлары съездынын пленар утырышы узды. Ул башланыр алдыннан фойеда кул эшләнмәләре күргәзмәсе оештырылды.

Биредә дөньяның төрле почмакларыннан җыелган гүзәл затлар өчен ниләр генә юк. Һәм һәр нәрсә милли: алкалар, мәрҗәннәр, калфаклар, милли бизәкле мендәрләр, сумкалар, аяк киемнәре, балалар өчен татарча китаплар, милли курчаклар. Аларнын барысын да Татарстанда яшәүче осталар эшләгән.

Хатын- кызлар күргәзмәдә тәкъдим ителгэн товарларны бик яратып сатып алды. Татарстаннан меңләгән чакрым ераклыкта яшәүче хатын-кызлар: “Без мондый милли матурлыкка сусадык. биредәге һәр нәрсәне сатып аласы килә,”-диләр.

Кул эшләнмәләре белән Татарстан Премьер- министры урынбасары, Милли Шура рәисе Васил Шәйхразиев та танышты.