Төмән дәүләт университеты ректораты бинасында “Төмән өлкәсе татарлары һәм себер татарларының тарихи-мәдәни мирасы” исемле фәнни-гамәли конференция башланды.
Төп темалар: себертатар дөньясы турында археологик һәм этнографик белемнәренең яңа форматы, Күчем шәһәрчеген өйрәнүнең актуаль мәсьәләләре һәм этнографик туризмны үстерү.
Конференция эшендә 120 дән артык галимнәр, җәмәгать эшлеклеләре катнаша. Алар арасында Бөтендөнья татар конгрессы делегациясе дә бар: Тарих фәннәре докторы этнолог Д.М.Исхаков, тарих фәннәре докторы археолог И.Л.Измайлов, тарих фәннәре докторы археолог А.Ә.Борһанов, тарих фәннәре кандидаты Ф.Я.Уразаев.
Ләйсән Фазлуллина-Хөрмәтуллина, Фәрит Уразаев фотолары
