15 гыйнвар көнне сәгать 15.00дә Г.Тукайның Казандагы әдәби музее “Яңа гасыр” дигән кичәгә чакыра. Әдәби чара “Әл-гасрел җәдит” журналының беренче саны чыгуга 110 ел тулуга багышлана.

Г.Тукай музее хезмәткәрләре оештырган чара өч өлештән торачак: “Г.Тукай Җаекта” залына экскурсия, Татарстан матбугатчылары белән очрашу һәм республика мәктәп укучылары өчен махсус мәдәни журнал нәшер итү уены.

Чарага 5-8 нче сыйныф укучылары чакырыла.

Г.Тукайның әдәби музее шагыйрь шәхесенә, иҗатына багышланган проектларны даими оештырып тора. Әдәби-музыкаль кичәләр, төрле авторлар белән очрашулар, күргәзмәләр гамәлгә ашырыла, дип хәбәр итә проект авторлары.

“Татар-информ” МА