Төмән өлкәсенең күренекле шәхесе, татар мәдәнияте һәм мәгарифе эшлеклесе, танылган Гарифуллиннар педагогик династиясе вәкиле, атказанган мөгаллим, Каюм Насыйри исемендәге премия лауреаты, Россия һәм Татарстан журналистлар, себертатар язучылар союзлары әгъзасы, сугыш һәм хезмәт ветераны Люция Бәдретдин кызы Хәбибуллина быел 92 яшьлеген каршы ала. Күптән түгел, профессор, “Күренекле шәхесләр” китаплар сериясе авторы Хәнисә Алишина җитәкчелегендә 44 ел гомерен укытучылык эшенә багышлаган «РСФСРның халык мәгарифе отличнигы» өлкәбез мәгарифе, тарихында зур роль уйнаган “Туган як әдәбияты” һәм “Себердә татар мәгарифе” китапларын язган мөгаллимә турында саллы гына җыентык басылып чыкты.
