30 гыйнвардан алып 1 февральгә кадәр Саранск шәһәрендә 18 яшькә кадәрге егетләр арасында грек-рим көрәше буенча Идел буе федераль округы беренчелеге узды. Анда Идел буе федераль округының 13 регионыннан 314 көрәшче катнашты.
Татарстан Республикасы җыелма командасы составында Әлмәт Олимпия резервындагы спорт мәктәбенең грек-рим көрәше бүлегендә шөгыльләнүче биш спортчы чыгыш ясады.
Киеренке көрәш нәтиҗәсендә Әлмәт көрәшчесе Ильяс Зиннуров 65 кг авырлык категориясендә көмеш призер булды.
Ул 12-16 март көннәрендә Ингушетия Республикасының Магас шәһәрендә узачак грек-рим көрәше буенча Россия беренчелегендә катнашачак.
