“Татар кызы-2018 бәйгесенә әзерлек кызганнан-кыза бара. 14 финалист кыз Казанга килеп, башкаланың Муса Җәлил исемендәге Опера һәм балет театрында узачак төп тамашага әзерләнә. Һәр көн катнашучы кызлар өчен яңа тәҗрибә бирә, яңа шәхесләр белән таныштыра һәм белемнәрен үстерә.
Хәзер татар кызларының программасы тулысынча финалга әзерлек эшләре белән тулган. Кичә кызлар сәхнә теле буенча мастер-класс, тавыш белән эшләү үзенчәлекләренә төшенделәр, шулай ук вокал, хореография, дефиле дәресләре узды. Төшке аштан соң танылган татар хатын-кызларының тарихлары белән татар бистәсе һәм Казан урамнары аша таныштылар.
