Буген «Татарча диктант» акциясенә Белорусиянең Минск шәһәре дә кушылды. Аны биредә «Чишмә» татар-башкорт оешмасы икенче тапкыр оештыра.

Чит илләргә тәкъдим ителгән текстны якшәмбе мәктәбенең татар теле укытучысы Мәдинә Касимова укыган. Барлыгы диктантны 9 кеше язган. Үткән елда алар нибары 3 кенә булган. Киләсе елга, Аллах боерса, 15ләп булырбыз, дип уйлыйбыз, ди оештыручылар.