Июнь азагында узачак X Бөтенроссия авыл Сабантуена багышланган махсус санга материал туплау нияте белән «Гаилә һәм мәктәп» вәкилләре Самара өлкәсенең Камышлы районында булып кайтты.
Камышлыда яшәүче һәр кеше язмышы безнең журналда урын алырлык. Күптән түгел 82 яшен тутырган чигүче Флюра апа, колхоз председателе вазыйфасыннан баш тартып үзе яраткан агач эшенә башы-аягы белән чумган Фәнис әфәнде, 100 еллык бай тарихлы татар халык театры коллективының, киләсе елга ярты гасырлык юбилеен билгелән узарга җыена торган «Ак каен» фольклор ансамбле вәкилләренең — һәммәсенең бүгенге яшь әти-әниләргә әйтер сүзе, уртаклашыр тәҗрибәсе бар.
Бәйрәм 29 июньгә планлаштырылган.
