Бүген Бөтенроссия татар авыллары эшмәкәрләре җыенының өченче көне. Исегезгә төшерәбез, форум 14-16 нчы март көннәрендә Казанда уза. Башкалага төрле төбәкләрдән 800 кеше килде. Кичә эшмәкәрләр Мөслим районына барып, анда авыл эшмәкәрләренең тәҗрибәсен өйрәнеп кайтты.

Бүген “Корстон” сәүдә-күңел ачу үзәгендә Татарстан Президенты катнашында очрашу уздырыла. Шулай ук Россия төбәкләрендә җитештерелгән продукция һәм халык кәсебе товарлары күргәзмәсе дә тәкъдим ителәчәк.