Казанда “Многоликая Россия” VIII Бөтенроссия ачык журналистика конкурсына нәтиҗәләр ясадылар. Җиңүчеләр арасында «Халкым минем» (Татарстан Республикасы, Казан шәһәре) газетасы да бар, ул “милләтара мөнәсәбәтләрне гармонизацияләү” номинациясендә 1нче урынга лаек булды.

Гран-прига «Наш Дом – Татарстан» (Татарстан Республикасы, Казан шәһәре) журналы лаек дип табылды.

“Многоликая Россия” конкурсы 2006 елда ТР Матбугат һәм массакүләм коммуникацияләр агентлыгы, ТР Журналистлар берлеге тарафыннан гамәлгә куелган һәм Татарстан җитәкчелеге ярдәме белән үткәрелә. Быел конкурска Россиянең 32 төбәгенән 750 эш кабул ителде.