Милли мәдәниятне саклауга, үстерүгә һәм пропагандалауга зур өлеш керткәне өчен Татарстан Республикасы Мәдәният министрлыгының Мактау Грамотасы белән Бөтендөнья татар конгрессы Халыкара иҗтимагый оешмалар берлеге рәсми сайты мөхәррире-модераторы Сәгыйдуллина Мөнирә Хәлим кызы һәм Бөтендөнья татар конгрессы Халыкара иҗтимагый оешмалар берлеге чит илләрдәге татар иҗтимагый берләшмәләре белән эшләү бүлеге җитәкчесе Кутеева Ленара Рәиф кызы бүләкләнде.

Әлеге уңышлары белән без аларны ихластан котлыйбыз! Киләчәктә милләттәшләребезне берләштерү өлкәсендә башкарган эшләрендә тагын да югары үрләргә ирешүләрен телибез!