Кызыл таң”ның 100 еллыгына багышланган чаралар республика буйлап дәвам итә. 26 гыйнварда “Кызыл таң”ның җырлы кичләре”н Туймазы районының Райман авылы кабул итәчәк.
Бу концертның үзенчәлеге шунда – ел дәвамында 50 яшьлек юбилейларын билгеләячәк шушы авылда туып үскән сыйныфташларга зур бүләк ул.
Концертта Башкортстанның халык артисты Асия Смакова, Башкортстанның атказанган артисты Лениза Гайнетдинова, Татарстанның атказанган артисты Символ-Гайнетдин Агыйделский, җырчы һәм музыкант Радик Динәхмәтов катнаша.
Шулай ук, кунаклар белән беррәттән авыл үзешчәннәре, мәктәп укучылары сәхнә тотачак.
Программада – җыр-моң, уен-көлке, спектакльләрдән өзекләр, кызыклы очрашулар.
kiziltan.ru сайтыннан алынды
