Бүген Васил Шәйхразиев Тосно шәһәрендә Муса Җәлил һәйкәленә чәчәкләр куя. Аннары Төньяк-Көнбатыш федераль округына кергән татар иҗтимагый оешмалары җитәкчеләре белән очрашу каралган. Соңыннан Бөтендөнья татар конгрессының 2018 нче елгы эшчәнлегенә нәтиҗә ясаячаклар, планнар да кабул ителергә тиеш. Васил Шәйразиев милләттәшләребезне Татар халкының үсеш стратегиясе эскизы белән дә таныштырачак.

8 нче апрельдә Милли Шура рәисенең визиты Санкт-Петербургта дәвам итәчәк. Исегезгә төшерәбез, 6 нчы апрельдә Васил Шәйхразиев Ленинград өлкәсенә эшлекле визит белән өч көнгә килде.