10 октябрь көнне Пенза “Ак калфак” хатын-кызлар оешмасы җитәкчесе Эльмира Васильева Каменка районы Ятмис авылында кабак бәлеше пешеру буенча мастер-класс уздырды. Аңа 9 класс укучысы Галия дә ярдәм иткән. Бәлеш пешкән вакытта, “Ак калфак” әгъзасы Румия Патеева балалар белән “Бармак уеннары” уздырган. Укытучылар балалар белән бергэ “Тәрбия баскычлары” фильмын караган. Аннан соң бергәләшеп бәлеш белән чәй эчкәннәр. Бу турыда Пензадан “Ак калфак” оешмасы хәбәр итте.
