Бљтендљнья татар конгрессы : Главная страница

Бөтендөнья татар конгрессы Башкарма комитетының Русия төбәкләрендәге татар иҗтимагый оешмалары белән эшләү бүлеге мөдире Марс Тукаев сүзләренчә, төбәкләр үзләре мәдәният көннәре үткәрү тәкъдиме белән чыккан.
Башка еллар белән чагыштырганда татар мәдәнияте көннәре быел бик зурдан узачакмы?

Русиянең бик күп төбәкләреннән безгә мөрәҗәгатьләр булды. Андагы җирле оешмалар Татар мәдәнияте көннәре республикаларның һәм өлкәләрнең мәркәзләрендә генә түгел, ә район, авыл һәм кечкенә шәһәрләрендә дә уздыруны сорадылар.

| (7 сентябрь 2010) | Тулысынча

ЯҢАЛЫКЛАР

Халыкара музей форумы

0_1c7f6_c63da177_xl.jpeg (13.71 Kb)

14 сентябрьдә Казанда Халыкара музей форумы ачыла. Чара Татарстанның Милли музеена 115 ел тулу уңаеннан үткәрелә торган юбилей тантаналары кысаларында оештырыла.

ТР Мәдәният министрлыгының матбугат хезмәте хәбәр иткәнчә, форумга Россия һәм якын чит илләрдән – Беларусь, Үзбәкстан, Кыргызстан, Әзәрбәйҗан, Литва республикаларыннан музей белгечләре чакырыла. Чарада Россиянең иң эре музейлары – Дәүләт Эрмитажы, Дәүләт тарихи музее, Рус музее, Россия этнография музее, Дәүләт Дарвин музее һәм башка музейлар җитәкчеләре катнашыр дип көтелә.

| (7 сентябрь 2010) | Тулысынча

БЕЗНЕҢ ХАКТА ЯЗАЛАР

“Милләт каймагын” каян алырга?

dsc_1160_242.jpg (56.09 Kb)

Бөтендөнья татар яшьләре форумында катнашучылар пленар утырыштан соң алты секциягә таралыштып, милләт өчен мөһим мәсьәләләр турында сөйләште. Делегатлар, галимнәр һәм җәмәгать эшлеклеләре бүген татар яшьләре элитасы бармы, анда кемнәр керүен, аны формалаштыру юлларын ачыклады.
Татар яшьләре элитасын формалаштыру турындагы сөйләшү яшьләр арасында популяр булуы ачыкланды, делегатларның күп өлеше нәкъ менә шушы сөйләшүгә килде. Ул яшьләр эшләре, спорт һәм туризм министрлыгында узды. Анда форумны алып баручы оешма җитәкчесе Руслан Айсин, академик, “Сәләт” проектларын җитәкләүче Җәүдәт Сөләйманов, президент аппараты вәкиле Азат Әхтәриев һәм чит ил делегатлары чыгыш ясады.

Үзбәкстаннан килгән делегатларның берсе Лилия, бүген халык “элита” сүзенең чын төшенчәсен аңламый, дигән фикер әйтте. "Татар элитасы халыкны алга әйдәп алып барырга, үсәргә ярдәм итәргә тиеш, ә безнең татар элитасын халык үзе өстери, әмма халык элитаның нинди булырга тиешлеген аңлап бетерми әле”, диде Үзбәкстан делегаты.

| (7 сентябрь 2010) | Тулысынча

ЯҢАЛЫКЛАР

Халкыбыз бердәмлеге һәм гөрләп чәчәк атуы хакына!
kul_sharif.jpg (19.99 Kb)

Бөтендөнья татар конгрессы Башкарма комитеты бюросының татар халкына мөрәҗәгате

Кадерле ватандашлар!

2010 елның октябрь аенда Бөтенроссия халык санын алу булачак. Илдәге демографик үсешнең төп юнәлешләрен ачыкларга тиешле бу статистик гамәл алдагы елларга социаль-икътисади һәм мәдәни үсеш планнарын төзү мөмкинлеген бирәчәк.

Шуңа бәйле рәвештә, безнең алда татар халкы исәбен алуны мөмкин булган кадәр тулырак колачлау, Россия Федерациясенең күпсанлы һәм борынгы халыкларының берсе булган татар халкының милли тәңгәллеген, тиңдәшлеген саклау бурычы тора.

Билгеле булганча, моннан алдагы халык санын алу вакытында аны сәясиләштерү, нәтиҗәләрне бозып күрсәтү очраклары булды. Бу – татарларны төрле төркемнәргә һәм халыкларга бүләргә тырышуда гына түгел, татарларны башка этнос вәкилләре итеп язу ниятләрендә дә чагылыш тапты.

| (4 сентябрь 2010) | Тулысынча

ЯҢАЛЫКЛАР

Милли мәктәпкә ышаныч кимеми

1518f6003f0a8a8e2363c6dff80e34_w527_s.jpg (13.8 Kb)

Республикадагы барлык мәктәпләрдә һәм Казандагы 2нче татар гимназиясендә дә Белем көнен бәйрәм иттеләр. Бердәм дәүләт имтиханын татарча бирү тыелса да, бу уку йортына ышаныч бетмәде.

1 сентябрь көнне Шиһабетдин Мәрҗәни исемендәге 2нче татар гимназиясендә Белем көненә багышланган тантана булды. Ул башка бик күп мәктәпләрдән аермалы буларак, татар телендә үтте. Анда укытучылар балаларны татарча сәламләде, Рамазан аеның дәвам ителүе искә алынды, укучылар да үзара да татарча сөйләште.

Гимназия җитәкчесе Камәрия Хәмидуллинаның әйтүенә караганда, Бердәм дәүләт имтиханын русча гына бирү кертелсә дә, бу татар мәктәбенә килүче балалар саны кимемәгән. 1 сентябрь көнне 2нче татар гимназиясендә елдагыча 50 бала укый башлады.

| (3 сентябрь 2010) | Тулысынча

ЯҢАЛЫКЛАР

Яңа тапшыру

tnv.jpeg (5.13 Kb)

Тиздән “Татарстан-Яңа гасыр” телеканалында милләтттәшләребез турында рус телендә яңа тапшырулар циклы эфирга чыга башлый. “Мы-татары” циклы республика телевидениесендә 1997 елдан бирле эфирга чыгып килде. “Панорама-телефильм” иҗат берләшмәсе әзерләгән әлеге тапшыруларда Мәскәү, Санкт-Петербург, Екатеринбургта яшәүче милләттәшләребез тормышы, аларның язмышы тасвирланды.

Тәнәфестән соң, быел “Панорама-телефильм” әлеге циклны дәвам итәргә булды. “Сберечь корни...” дип аталган беренче фильмда сүз Уфада яшәүче өч татар гаиләсе турында барачак. Алар - милли мәдәниятне, туган телне, гореф-гадәтләрне буыннан-буынга тапшыручылар. Бу гаиләләр өчен иң мөһиме байлык яисә карьера түгел, ә милли тамырларны саклау.

“Мы-татары” тапшырулар циклы 4 сентябрьдән башлап һәр шимбә 18 сәгать 30 минутта эфирга чыгачак.

| (2 сентябрь 2010) | Тулысынча

ЯҢАЛЫКЛАР

Яшьләр җыен-форумы: беренче нәтиҗәләр

dsc_1715.jpg (41.63 Kb)

IV Бөтендөнья татар яшьләре форумы делегатлары 31 августта үзләре яшәгән төрле төбәкләргә һәм илләргә таралыштылар. Күпләрнең йөзләрендә ниндидер моңсулык бар иде, ә кайберәүләр күз яшьләрен дә яшермәделәр. 4 көн эчендэ татар мохитында кайнап, фикердәшләре белән аралышып, дуслашып киткән егетләр һәм кызлар бер-берсен онытмаска, хәбәрләшеп торырга вәгъдәләр бирешеп вокзалга, аэропортка юл тоттылар. Инде хәзер беренче нәтиҗәләрне ясарга да мөмкиндер.

| (1 сентябрь 2010) | Тулысынча

ЯҢАЛЫКЛАР

Конгресста очрашу

pic_0133.jpg (14.97 Kb)

Кыргызстандагы “Туган тел” җәмгыяте вәкилләре Татар конгрессында булып киттеләр. Җәмгыятнең рәисе Гөлсинә Ульмаскулова сүзләренә караганда, быелгы аяныч хәлләр Кыргызстанда яшәүче милләттәшләребезгә дә шактый кыенлыклар китергән. Ләкин шуңа да карамастан, татар җәмгыятләре үзләренең эшләрен туктатмаганнар һәм татарларның хокукларын яклау буенча дәвамлы гамәлләрен башкарып киләләр. Мәсәлән, Кыргызстандагы татар яшьләрен Татарстан уку йортларына кабул итү программасы нигезендә “Туган тел” җәмгыяте быел 40-ка якын абитуриентны Казанга китерү белән актив шөгыльләнгән. Гөлсинә ханым Русиянең мәгариф һәм фән министрлыгында булып, аларга квотаны тәгәенләү турында нәтиҗәле сөйләшүләр уздырган.

Конгресста очрашу вакытында Кыргызстанда яшәүче милләттәшләребез Татарстанга күченеп кайту мәсьәләләре турында да фикер алыштылар

| (1 сентябрь 2010) | Тулысынча

ЯҢАЛЫКЛАР

“Алло” татарча

da6aedea93264c1f8f4a23cfefd9c45d_w527_s.jpg (11.45 Kb)

Татарстандагы “Билайн” абонентларына татар телендә хезмәт күрсәтү турында реклама таратты. Бу хакта бәйрәм көннәрендә Казанда пәйда булган игълан такталарыннан һәм махсус телефоннан мәгълүмат алырга мөмкин. Тик татарча хезмәт күрсәтү көйләнеп беткән дип әйтергә иртә әле.

“Азатлык” радиосы хәбәрчесе "Билайн" 06-22 телефоны аша Лидия исемле оператор белән саф татарча сөйләшә алган. Аның сүзләренчә, баштанрак булган кыенлыклар турында җитәкчелеккә хәбәр биреләчәк. Алар якын арада чишелер.

| (1 сентябрь 2010) | Тулысынча

ЯҢАЛЫКЛАР

IV Бөтендөнья татар яшьләре Форумының РЕЗОЛЮЦИЯСЕ

ildar_scena.jpg (30.72 Kb)

Без, IV Бөтендөнья татар яшьләре Форумы делегатлары, бүгенге дөньяда милли үзбилгеләнүне, туган телне, милли мәгариф системасын, мәдәниятне, гореф-гадәтләрне, традицияләрне саклап калуның глобальләшү, ассимиляция процессларына каршы торуда ролен, әһәмиятен аңлап, гаилә институты милләт үсешенең нигезе икәнен танып, иң әһәмиятле бурычлар – уртак мәгълүмат яссылыгын, татар яшьләренең милли үзаңын формалаштыру, аларның рухи үсешен булдыру дип санап, ислам рухи кыйммәтләрен әхлаклы, камил шәхес тәрбияләүнең, милли үзбилгеләнүнең төп нигезе дип санап, һәм милләтара мөнәсәбәтләр өлкәсендә озак еллар дәвамында чишелми килгән җитди проблемалар булуын исәпкә алып,
КАРАР БИРДЕК:

| (29 август 2010) | Тулысынча