Бу көннәрдә республика , шул исәптән Казан мәктәпләрендә туган тел көннәре уза. Балалар шигырьләр өйрәнә, туган тел дәресләре уза. Шундый чараларның берсе башкаланың 1 нче номерлы гимназиясендә дә оештырылды.

Балаларның чыгышларын карарга Бөтендөнья татар конгрессыннан да кунаклар килде. Башкарма комитет җитәкчесенең беренче урынбасары Данис Шакиров татар гимназиясенең эшчәнлеге, туган телне өйрәнү максатыннан оештырылучы чаралар белән танышты. Балалар белән дә аралашты.