“Ел саен  Алманияда (Германия) яшәгән татарлар традицион рәвештә милли бәйрәм — Сабантуй уздыралар. Быел бәйрәмебез  Германияның Лейпциг шәhәрендә 14 июньда узачак.  Сабантуйга Европа Берләшмәсе илләрендә  яшәүче татарлар гына түгел, ә барлык Шенген илләренә ирекле керү мөмкинлеге булган татар милли мәдәнияте, гореф-гадәтләре белән кызыксынучыларны көтәбез!  Бәйрәмдә Татарстаннан чакырылган артистларның катнашуын өмет итәбез!”, – дип яза Алманиядә яшәүче милләттәшләребез “Татарлар Дойчланд” интернет-сәхифәләрендә.

Рәсемдә: Сабантуй үтәчәк урын.