Россия Президенты Владимир Путин 15 августта кукуруз басуына авария хәлендәге самолетны утырткан очучы Дамир Йосыповка Россия Герое йолдызын тапшырды.
«Без барыбыз да быел җәй аенда Мәскәү өлкәсендә Жуковский-Симферополь пассажир рейсын коткару тарихын хәтерлибез. Катлаулы аварияле хәлдә һава судносының барлык экипажы профессиональ, төгәл, бердәм эшләде, батырлык күрсәтте. Әмма төп роль – лайнер командиры Дамир Йосыпов һәм икенче очучы Георгий Мурзинныкы. Алар самолетны чиста кырда утырта алдылар һәм дистәләрчә гомерне саклап калдылар. Югары класслы очучылар хаклы рәвештә Россия Герое исеменә лаек булдылар», – диде Путин.
