Туймазыда эшләп килүче “Җидегән йолдыз” халык татар вокаль ансамбленең хисап концерты зур фольклор фестиваленә әверелде.
Район хакимиятенең мәдәният бүлеге җитәкчесе Илдар Салихов әйтүенчә, шәһәрдә һәм районда бер генә чара да ансамбль катнашлыгыннан башка үтми.Ансамбльнең җитәкчеләре Айгөл Корбанова белән Илдар Госсаметдинов репертуарга татар халык җырларын сайлый, аларның сирәк башкарылучы, онытылып барганнарына өстенлек бирелә.Чагу костюмнарда чыгыш ясаган үзешчән артистлар арасында район һәм шәһәрнең төрле предприятиеләрендә эшләүчеләр, студентлар бар.Ансамбль быел да үзенең халык исемен йөртүен раслаган.
