1-2 апрельдә Пермь краеның Барда авылында V Рәшит Ягъфаров исемендәге укулар үтәчәк.

Аны Барда районының мәдәният бүлеге, мәгариф идарәсе, “Таң” газетасы һәм җирле теле-радиоүзәге уздыра. Әлеге чара кысаларында Рәшит Ягъфәров шигырьләрен сәнгатьле итеп уку, үзешчән шагыйрь һәм язучылар осталыклары, фольклор әсәрләрен башкару бәйгеләре уза.

Традиция буенча бу чарага Казаннан язучылар, галимнәр һәм Бөтендөнья татар конгрессы вәкилләреннән торган делегация китте.