Биектау районы үзәк мәдәният йортында Биектау районы оешканга 80 ел тулу уңаеннан “Биектау. Кичә. Бүген. Иртәгә”дип исемләнгән яңа китап белән тантаналы шартларда таныштыру булды.

Анда районның барлыкка килү,үсү тарихы тасвирланган.Китапта шул еллар дәвамында оешкан предприятияләр белән берлектә хезмәт геройлары һәм шөһрәтле шәхесләр турында сөйләнә.

Китапны тәкъдир итү кичәсенә кунаклар итеп: язучы-якташларыбыз З.Хөснияр,Язучылар Берлеге рәисе Р.Корбан,ТР Дәүләт Советы депутаты Р.Вәлиев,ТР Хөкүмәтеннән куратор З.Вәлиева чакырылган иде. Кичә барышында алар китап турында үз фикерләрен җиткерделәр.