Табын Ислам динен кабул итүнең 1000 еллыгы исемендәге Казан югары мөселман мәдрәсәсендә әзерләнгән иде.

Мәҗлесне Бөтендөнья татар конгрессының Казан шәһәре иҗтимагый оешмасы Татарстан Республикасы “Болгар” хәйрия фонды белән берлектә оештырды. Чарада Бөтендөнья татар конгрессының Башкарма комитет рәисе Ринат Закиров һәм аның урынбасарлары,  ТР Дәүләт Советының Мәдәният, фән, мәгариф мәсьәләләре комитеты рәисе Разил Вәлиев, Ульяновск өлкәсенең мөфти урынбасары Рафаэль Назметдинов, Ульяновск шәһәренең Идел аръягы районы башлыгы Наил Юмакуллов, конгресс хезмәткәрләре, күренекле җәмәгать һәм сәнгать әһелләре катнашты.