Бөтендөнья татар яшьләре форумы делегатлары җитди чараларда гына катнашып калмыйча, рәхәтләнеп күңел дә ача.  Кичә дискуссия мәйданчыкларында фикер алышып, танылган астрофизик Рәшит Сөнәев лекциясен тыңлап,  Форумның рәисен һәм совет әгъзаларын сайлаганнан соң,  егет-кызлар рәхәтләнеп ял итте.

Кичке аштан соң оештыручылар бар катнашучыларны да “Эрмитаж” концерт-холлда заманча татар музыкасы концертында җыйды. Биредә бию көйләре генә түгел, ә татар телендә заманча җырлар язучыларның композицизияләре дә яңгырады. Делегатлар өчен Yummy music лэйбл резидентлары чыгыш ясады.