Бүген, 13 октябрь көнне Бөтендөнья татар конгрессы Башкарма комитеты Бюросы утырышы узды. Анда Бюро әгъзалары Алмаз Назиров, Эдуард Ганиев, Разил Вәлиев, Ринат Вәлиуллин, Рамис Сафин, Фәхретдин Канюкаев, Фәрит Уразаев,  Дамир Исхаков катнашты. Утырышны Бөтендөнья татар конгрессы Башкарма комитеты рәисе Ринат Закиров алып барды.

Иң беренче сүз  Кырымдагы вәзгыять , Бюро тарафыннан яңа гына кабул ителгән Кырым халкына мөрәҗәгать турында барды.

Икенче көн тәртибе буенча, Бюро әгъзалары 4-7 декабрь көннәрендә узачак, Башкарма комитетның киңәйтелгән утырышы һәм “Татарстанның эшлекле партнерлары” Форумына әзерлек эшләре турында сөйләштеләр, фикер, алыштылар, тәкъдимнәрен җиткерделәр.