4 июльдә Татарстанның Азнакай районындагы Чатыр-тауда, Татарстанның иң биек ноктасында, төрки халыклар фестивале узды.

Фольклор фестивале Татарстан Республикасы Хөкүмәте гранты һәм Азнакай район Советы, Азнакай муниципаль районы башкарма комитеты ярдәме белән уздырыла.

Быел ул Чатыр-тауда театральләштерелгән тамаша белән ачылды. Кичке дүртләрдә Азнакай паркларының берсендә йомгаклау концерты булды.

Шушында ук татар халкының көнкүреше әйберләре, һөнәрчелек эшләнмәләре куелган күргәзмә оештырылган иде. Чатыр-тауга быел республиканың төрле районнарыннан, шулай ук Чуваш иле белән Башкортостаннан, Самара өлкәсеннән, Төркиядән, Кырымнан фольклор коллективлары, танылган артистлар килде.

Татарстан Республикасы Мәдәният министрлыгының Матбугат хезмәте