Татарстан Премьер-министры урынбасары, Милли шура рәисе Васил Шәйхразиев бүген эшлекле визит белән Самара шәһәренә китте. Биредә Мордовия республикасы, Оренбург, Пенза, Самара, Саратов, Ульяновск өлкәләреннән җыелган татар иҗтимагый оешмалары җитәкчеләре белән очрашу булачак. Анда Бөтендөнья татар конгрессының 2018 нче елгы эшчәнлегенә йомгак ясала. Шулай ук бу елга планнар кабул итәләр һәм Татар халкының үсеш стратегиясе белән дә танышачаклар.