Хөрмәтле Ринат Зиннур улы!
“Җирдәге йолдызлар”(1-2) китапларының исем туен үткәрүдә күрсәткән
ярдәмегез һәм котлаулар өчен шәхсән Сезгә, Данис Фәнис улына, Марс
Рифкать улына, Азат Алмас улына, Люция һәм Лилиягә ихлас рәхмәтемне
юллыйм.Кылган изгелекләрегез үзегезгә әйләнеп кайтсын. Исән-имин булыгыз!
Олы ихтирам белән
Әнвәр Сөләйманов (Башкортстан), 9.04.2018.
Исегезгә төшерәбез,
5 апрель көнне Татарстанга һәм Башкортстанга танылган журналист, публицист, язучы, 6 китап авторы, Татарстанның атказанган мәдәният хезмәткәре Әнвәр Сөләйманов “Казан” милли мәдәни үзәгендә үз язмаларының геройларын җыйды. Биредә аның «Халкым, якташларым, дип тибә йөрәгем» исемле иҗат кичәсе узды.
