24 гыйнварда Димитровградның (Ульяновски өлкәсе) “Восход” мәдәният йортында җирле татар милли-мәдәни автономия төзелүенә 15 ел тулу уңаеннан тантаналы чара үтәчәк.

Иң башта бәйрәмгә килүчеләр махсус әзерләнгән күргәзмә белән таныша алачак. Соңыннан кунакларны татар мәдәнияте фестивале көтә. Бөтендөнья татар конгрессы исеменнән котлау өчен Димитровградка Башкарма комитетның мәгълүмати-аналитик бүлек җитәкчесе Гөлназ Шәйхи киләчәк.