Әлмәт татар дәүләт драма театры бүген Димитровград шәһәренә иҗади сәфәргә юл алды. 14-15 май көннәрендә “Кызлар килде авылга” (Н. Гаетбай), “Диләфрүзгә дүрт кияү” (Т.Миңнуллин) һәм балалар өчен “Времена года” әкиятен күрсәтәчәкләр. Труппаның бу тарафка гастрольләргә беренче чыгуы түгел: 2007 елда М. Кәримнең “Кыз урлау” музыкаль комедиясе белән Әлмәт театрын Ульян өлкәсенә танытып кайтканнар иде.
Безнекеләр юк чакта сәхнә буш тормаячак – бирегә Островский исемендәге Димитровград драма театры килә. 14-15 май көнне 13.00 сәгатьтә балалар өчен «Генерал Фанта-геро» спектакле, кичен өлкән тамашачыларга «Дон Жуан в масштабе тыла» яшь аралаш комедия тәкъдим ителә.
