Бөтенроссия массакүләм мәгълүмат чаралары форумы кысаларында татар журналистлары Ульяновскидагы В.И.Ленин исемендәге өлкә китапханәсендә булды. 170 еллык искиткеч бина турында китапханә мөдире Светлана Нагаткина сөйләде.

Ул белдергәнчә, Акчуриннар гаиләсе медицина, тел, тарих, дин һәм башка күптөрле темалар белән кызыксынган.  Бу хакта аларның гаилә коллекциясендәге китаплар сөйли. Барлыгы 229 берәмлек китап, алар 19 нчы гасыр башында туплана башлаган.

Хәзер Акчуриннар чорындагы китапларны цифрлаштыру эше башкарыла. Әлеге электрон версияләрне китапханә хезмәткәрләре ачык кулланышка, Интернет ресурсларына урнаштыра.