Татарстан Республикасы Премьер – министры урынбасары,  Бөтендөнья татар конгрессы Милли Шура рәисе Васил Шәйхразиев Санкт-Петербург шәһәренең Милләтләр йортында булды.

Монда ул Санкт-Петербургның мигрцион сәясәтен тормышка ашыру һәм милләтара мөнәсәбәтләр комитеты рәисе О.И.Махно, Санкт-Петербург шәһәренең татар милли-мәдәни мохтарияте активы белән очрашты.

Милләтләр йортының директоры татар оешмалары белән берлектә үткәргән чараларны тәфсилләп сөйләде.

Һәрхәлдә, Санкт-Петербургта уза торган, халыкның иң яратып йөри торган чараларның берсе – милли Сабантуй бәйрәменә югары бәя бирде.