17 июньдә Татарстан Республикасы “Татар кызы-2020” бәйгесенең финалы узачак. Бүген Бөтендөнья татар конгрессы бинасында оештыру комитетының беренче утырышы узды.
Бөтендөнья Башкарма комитет җитәкчесенең беренче урынбасары, «Татар кызы» бәйгесенең башкарма директоры Данис Шакиров җитәкчелегендәге оештыру комитеты быелгы бәйгенең идеологиясен билгеләде, сценарий, режиссура мәсьәләләре хакында фикер алышты.
“Татар кызы-2020” республикакүләм бәйгесенең төп идеясе – моңарчы билгеле булмаган бөек татар хатын-кызлары шәхесләрен ачу. Шулай ук ТАССРның 100-еллыгы һәм Бөек Җиңүнең 75-еллыгы темасы да игътибардан читтә калмаячак.
