23 гыйнвар көнне Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразиев эшлекле сәфәр белән Удмуртия Республикасының Ижау шәһәренә барачак. Сәфәр программасы кысаларында ул “Спартак” халык иҗаты йорты, Г.Тукай исемендәге 6нчы номерлы гимназия, Удмуртия республикасының социаль-педагогика көллиятендә булачак. Шулай ук Васил Шәйхразиев Удмуртия Республикасы Хөкүмәте Рәисе Ярослав Семенов белән дә очрашачак.