ТР Дәүләт Советының Мәгариф, мәдәният, фән һәм милли мәсьәләләр комитеты утырышында кабат Г.Исхакый музее язмышы турында мәсьәлә күтәрелде. Татарстан Язучылар берлеге Рәисе Данил Салихов үз чыгышында музейның авылда калуы халык өчен кирәк булуын ассызыклады. «Нигә әниләр, әбиләр тездән саз ерып йөрергә тиеш? Асфальт юл туристлардан бигрәк авыл халкы өчен кирәк. Авыл халкы туфлидан йөрергә тиеш» — дип белдерде ул.
