Татар халкының милли ризыгы – кыстыбый пешерү буенча мастер-класс Бердск шәһәренең “Хлеб из тандыра” пекарнясында үткән.
Әлеге пекарняның менюсында татар халкының милли камыр ашларыннан өчпочмак һәм элеш тә бар.
Шунысын да искәртеп үтик, Новосибирск өлкәсендә татарның милли камыр ашлары белән 12 юнь көнне Бердск шәһәрендә милли мәдәниятләргә багышланган шәһәркүләм фестивальдә сыйланып булачак. Чараны Бердскның Дуслык Йорты һәм милли үзәкләр оештыра, дип хәбәр итә Бердск шәһәренең Татар мәдәнияте үзәге.
