Күп санлы тамашачылар соравы буенча 1нче канал җитәкчелеге  “Голос.Дети” тапшыруына яңа этап өстәде. Әлеге этап 2015 елның 17 апреле көнне “Время” тапшыруы тәмамлангач туры эфирда күрсәтеләчәк.  Бәйгенең әлеге өлешендә, “Голос.Дети” тапшыруының ярым финалына чыгып киләсе турга уза алмаган, катнашучылар көч сынашачак. Тамашачыларның тавыш бирү нәтиҗәсендә әлеге этап җиңүчесе тапшыруның финал өлешендә катнаша.

Талантлы кызыбыз, милләтебез горурлыгы Сәидә Мөхәммәтҗанованың “Голос.Дети”  тапшыруының финал өлешенә чыгарга мөмкинлеге бар дигән сүз бит бу.

Милләттәшләр, дуслар 17 апрель көнне  туры эфирда күрсәтеләчәк “Голос.Дети” тапшыруында Сәидә Мөхәммәтҗанова өчен тавыш бирик.