enrutat
Баш бит / Халыклар Дуслыгы йортында Донецкидан килгән рәссам күргәзмәсе ачылды
Халыклар Дуслыгы йортында Донецкидан килгән рәссам күргәзмәсе ачылды

Халыклар Дуслыгы йортында Донецкидан килгән рәссам күргәзмәсе ачылды

Казанның Халыклар Дуслыгы йортында Донецкидан килгән рәссам, СССР Рәссамнар берлеге әгъзасы Равил Акмаев эшләре күргәзмәсе ачылды.

Равил Акмаев — рәссам һәм сынчы, «Рассам» Мәскәү татар-башкорт рәссамнары иҗат берлеге әгъзасы. Ул иҗат иткән сыннар композициясе Донецкиның визит карточкасы булып тора. Равил Акмаев — 10 союзкүләм һәм республикакүләм плакат конкурслары лауреаты, иллеләп шәхси күргәзмә катнашучысы. Аның эшләре күп кенә илләрдәге музей һәм шәхси коллекцияләрдә үз урынын алган (Россия, Украина, Венгрия, Польша, АКШ).

Татарстан белән Донбасс арасындагы күптәнге элемтәне искә алып күргәзмә ачылу тантанасында ТР атказанган артисты Филүс Каһиров башкаруында «Шахта» татар халык җыры яңгырады. Донбасстагы татар общинасы урта Идел буе халыкларының күбесе күмер шахталарына шахтер булып эшләргә киткән вакытта XIX гасырның икенче яртысында формалаша.

Рәссамга атап котлау сүзләре Татарстан Президенты каршындагы эчке сәясәт Департаментының милли сәясәтне томышка ашыру Идарәсе башлыгы урынбасары Евгений Ефимов, ТР Мәдәният министрылыгының музей эшен үстерү бүлеге җитәкчесе Дамир Натфуллин, Донецк Республикасы сәнгать музее директоры Надежда Анищенко, Татарстанның Халыклар Дуслыгы йорты директоры урынбасары Наталья Мясникова, ТР Рәссамнары Союзы рәисе, Татарстандагы Россия рәссамнары Союзы рәисе Зөфәр Гыймаевтан яңгырады.

ТР Мәдәният министрылыгының музей эшен үстерү бүлеге җитәкчесе Дамир Натфуллин әйтүенчә, Татарстанда Донецк халык республикасы рәссамнары эшләре беренче тапкыр үткәрелә. Киләсе елга ТР Мәдәният министрлыгы бүгенге чарага җавап итеп Донецк халык республикасында күргәзмә оештырырга планлаштыра.

Равил Акмаевның эшләре Татарстанның Халыклар Дуслыгы йортында ай дәвамында торачак. Теләге булган һәркем күңеленә хуш килгән эшне сатып ала ала.

http://mincult.tatarstan.ru/

Безгә Telegram'да язылыгыз.

Фикер калдырырга

Обязательные поля отмечены *

*