Казанга очкычта килгәннәрне су спорты төрләре чемпионаты талисманнары: Идел һәм Алсу барслары каршы ала.

Мәйданы 200х200 метр булган рәсемдә талисман барслардан тыш инглизчәләп Казанга хуш киләсез дип язылган.

Спорт проектларының башкарма дирекциясе игълан иткән тендерда мондый үләннән һәм балчыктан ясалган рәсем бәясе –  2 млн 265 мең рубль. Чемпионат тәмамланганнан соң, рәсемле болын сөрелеп,  үлән чәчеләчәк. Шуңа күрә, Казанга килгәндә Идел белән Алсуга кул изәргә онытмагыз!