Редакциябезгә Төркиянең башкаласы Әнкарада чыга торган әдәби “Кардәш каләмнәр” журналының яңа саны килеп иреште. Әлеге басма 2018нче елда Төрки дөньяның әдәбият исеме итеп шагыйрь Зиннур Мансуровны игълан иткән.
Журналның беренче битендә үк әдибебезнең фотосы урнаштырылган, алдагы битләрендә биографиясе, төрекчәгә тәрҗемәдә дистәләгән шигырьләре урын алган.
Гомумән алганда, 98 битлек журналның 33 бите татар шагыйренә бирелгән, димәк, Төркиядә татар әдәбияте белән бик кызыксыналар һәм югары бәялиләр.
