27 нче февральдә башкалабыз Казанда татар театрына нигез салучыларның берсе, драматург Галиәсгар Камалны искә алды. Күренекле шәхеснең тууына 140 ел. Чара аның исемен йөртүче Камал театрында уза. Сәхнәгә Г. Камал үзе дә “чыга”. Драматург образында  Алмаз Борһанов уйнады.

Кичәне Татарстанның халык артисты Луара Шакирҗанова алып бара. Артистлар Г. Камал әсәрләре буенча куелган “Банкрот”, Беренче театр” кебек спектакльләрдән өзекләр уйнадылар.  Тамашачыларны драматургның тормыш юлы һәм иҗаты белән дә таныштырдылар.